مو وطن لا انتة نار بنص ضباب
وچم جهنم صايغة الصدرك حضن
شمالك تون اسمك حزن گاعك سجن
وجه المرض بيدك غفة
بيدك غفة دجلة النهر
دجلة النهر صاير قهر شو درته بگلاص الدمع
الگلاص بالظلمة انچفة
وبيدك غفة شارع عدل وجروحه طسات اوحفر
شيب رصيف من القهر واحد اجة يمشي بحذر
رأسا عثر
صرخاته نغمة مچتفة
وبيدك غفة كومة نوة يلبس ضوة جابة الهوة
الهاي الأرض صار الزرع طلع شجر يحمل ثمر
عبوات شبه الناسفة
زرعك كتل مايك يسل
واستبدلت كل الورد بأرخص حبل
ناسك تشمه وتنعدم
يّجي الطفل يفتح خياله على البشر مايلگة
صوت ايصيح الة يبچي بزعل من بچية
يتفطر جبل فجأة وسأل؟
ليش آنة ماعندي اسم
يوليدي بسمك تنكتل يوليدي بسمك تنسأل
عندك وطن ضد الاسم ضد الرسم
يرسم على خدودك وشم
يوشم گمر يشبه شبح يشمر ظلامه بكل كتر
فوگ النظر واحلى الصور
بالصفنة كوخ وينهدم
جاع النهر نصبولة سفرة من الجثث هم ما شبع
شاطي اللعب اصبح توابيت وشمع
صوت النوارس ينسمع وشينسمع؟؟؟
صرخة جهال ابمدرسة جاهة القصف
نامت على الحان العصف
تتونس بأطول حلم!!!
انتة وطن؟؟لا موطن ياوسفة تتسمى وطن
آسف ياعراق
وچم جهنم صايغة الصدرك حضن
شمالك تون اسمك حزن گاعك سجن
وجه المرض بيدك غفة
بيدك غفة دجلة النهر
دجلة النهر صاير قهر شو درته بگلاص الدمع
الگلاص بالظلمة انچفة
وبيدك غفة شارع عدل وجروحه طسات اوحفر
شيب رصيف من القهر واحد اجة يمشي بحذر
رأسا عثر
صرخاته نغمة مچتفة
وبيدك غفة كومة نوة يلبس ضوة جابة الهوة
الهاي الأرض صار الزرع طلع شجر يحمل ثمر
عبوات شبه الناسفة
زرعك كتل مايك يسل
واستبدلت كل الورد بأرخص حبل
ناسك تشمه وتنعدم
يّجي الطفل يفتح خياله على البشر مايلگة
صوت ايصيح الة يبچي بزعل من بچية
يتفطر جبل فجأة وسأل؟
ليش آنة ماعندي اسم
يوليدي بسمك تنكتل يوليدي بسمك تنسأل
عندك وطن ضد الاسم ضد الرسم
يرسم على خدودك وشم
يوشم گمر يشبه شبح يشمر ظلامه بكل كتر
فوگ النظر واحلى الصور
بالصفنة كوخ وينهدم
جاع النهر نصبولة سفرة من الجثث هم ما شبع
شاطي اللعب اصبح توابيت وشمع
صوت النوارس ينسمع وشينسمع؟؟؟
صرخة جهال ابمدرسة جاهة القصف
نامت على الحان العصف
تتونس بأطول حلم!!!
انتة وطن؟؟لا موطن ياوسفة تتسمى وطن
آسف ياعراق